ஸ்ரீ நாக சக்தி அம்மன் தியான பீடத்தில் நவராத்திரி கொலு!

கோவை மலுமிச்சம்பட்டி நாகசக்தி அம்மன் தியான பீடத்தில் நவராத்திரி விழாவை முன்னிட்டு கொலு நிகழ்ச்சி பக்தி சிறப்புடன் நடைபெற்றது.

 இந்நிகழ்ச்சிக்கு ஸ்ரீ ல ஸ்ரீ பாபுஜீ சுவாமிகள் தலைமை வகித்தார்.

நவராத்திரி விழாவின் முக்கிய அம்சமாக விளங்கும் கொலு வழிபாட்டை முன்னிட்டு, தியான பீடத்தில் நட்சத்திர கலச யாகம் மற்றும் சிறப்பு பூஜைகள் நடைபெற்றன.

அன்னை சக்தியின் அருளைப் பெறவும், உலக நன்மை, குடும்ப நலன், மன அமைதி மற்றும் மக்கள் அனைவரும் நலமுடன் வாழவும் சிறப்பு வழிபாடுகள் மேற்கொள்ளப்பட்டன.

நவராத்திரி என்பது அன்னை பராசக்தியின் தெய்வீக ஆற்றலையும் மகிமையையும் போற்றும் புனிதமான விழாவாகும்.ஒன்பது நாட்கள் கொண்டாடப்படும் இவ்விழாவில், தெய்வங்களின் திருவுருவங்கள், புராணக் காட்சிகள் மற்றும் இதிகாச நிகழ்வுகளை எடுத்துரைக்கும் வகையில் கொலு பொம்மைகள் படிநிலைகளில் அலங்கரித்து வைக்கப்படுவது பாரம்பரிய சிறப்பாகும் கொலு வழிபாடு, இறைநம்பிக்கையை வளர்ப்பதோடு, நமது பாரம்பரியம், கலாசாரம் மற்றும் ஆன்மிகப் பண்பாடுகளை அடுத்த தலைமுறையினருக்கு எடுத்துச் செல்லும் சிறந்த வழிமுறையாகவும் திகழ்கிறது.

ஸ்ரீ ல ஸ்ரீ பாபுஜீ சுவாமிகள் தலைமையில் நடைபெற்ற நட்சத்திர கலச யாகம் மற்றும் சிறப்பு பூஜைகளில், அன்னையின் அருளைப் பெறுவதற்காக வழிபாடுகள் மேற்கொள்ளப்பட்டன.

நவராத்திரியின் ஆன்மிக மகத்துவத்தையும், சக்தி வழிபாட்டின் சிறப்பையும் எடுத்துரைக்கும் வகையில் இந்நிகழ்ச்சி அமைந்தது.மலுமிச்சம்பட்டி நாகசக்தி அம்மன் தியான பீடத்தில் நடைபெற்ற நவராத்திரி கொலு விழா, பக்தி உணர்வையும் ஆன்மிகச் சிந்தனையையும் மேம்படுத்தும் நிகழ்வாக அமைந்தது.